Медыка затрымалі ў студзені 2024 года. Цяпер яго імя з'явілася ў раскладзе судоў, піша Наша Ніва.
Цімура Лозка — урач з Брэста. Да 2020-га працаваў анастэзіёлагам у Брэсцкай абласной бальніцы, але, падобна, быў звольнены. Перад затрыманнем працаваў рэаніматолагам-анестэзіёлагам у прыватнай клініцы «Ладэ».
Лозку раней двойчы затрымлівалі па адміністратыўных справах — у кастрычніка 2020 за ўдзел у акцыі і ў сакавіку 2022 за антываенную акцыю.
Наступнага разу яго затрымалі ў студзені 2024-га. У відэа на канале ГУБАЗіК ён казаў, што ахвяраваў рэсурсу NEXTA.
Суд над мужчынай пачнецца 4 ліпеня ў Брэсцкім гарадскім судзе. Лозку абвінавачваюць па дзвюх частках артыкула 290-1 КК РБ, «фінансаванне тэрарыстычнай дзейнасці». Па суме прысудаў яму пагражае да 20 гадоў турмы.
